30 қаңтар 2025 жылы Алматы қаласындағы Автомобиль және сән индустриясы колледжінде әдіскер Қалауова А.К., тігін шеберханаларының меңгерушісі Тәжибаева Ш.К., мамандық пәндерінің оқытушылары: Кенжебаева Г.К., Литвинова О.И. және өндірістік оқыту шеберлері: Түлебаева М.М., Жұмабаева Г.А колледж әкімшілігіне, оқытушылар мен шеберлерге «Тігін өндірісі және киім моделдеу» мамандығы бойынша Италияның Рим қаласында 21.11-25.11 аралығында және Түркияның Денизли қаласында 26.11-11.12.2024 жылы өткен халықаралық стажировканың нәтижелері туралы есеп берді.

Стажировканың мақсаты – тәжірибе алмасу болып табылды, оның барысында Римдегі NABA — Nuova Accademia di Belle Arti (Жаңа бейнелеу өнері академиясы) оқу орнын аралап, онда техникалық жабдықтармен, оқу үдерісін ұйымдастыру ерекшеліктерімен танысты. Сонымен қатар Рим қаласының көрікті жерлерін аралау мүмкіндігі болды. Денизли қаласында оқу Достек колледжінде өтті, ол «Текстиль технологиялары және киім дизайны» мамандығы бойынша студенттерді даярлайды. Бұл колледж Денизли қаласындағы ұйымдасқан өнеркәсіп аймағының құрылымдық бөлімшесі болып табылады және оның құрамында 200-ден астам тігін және текстиль өндірісі кәсіпорындары орналасқан. Колледждің мақсаты — Денизли экономикасы мен өнеркәсібі үшін білікті орта буын кадрларын даярлау, және бүгінгі таңда олар ұйымдасқан өнеркәсіп аймағының қажеттіліктерін қанағаттандырып отыр.

Оқытушылар білім беру жүйесіндегі ерекшеліктер туралы айтып, Түркия мен Италиядағы текстиль және тігін бұйымдарын өндіретін кәсіпорындармен таныстырды. Сонымен қатар, стажировка нәтижелері мен оқу үдерісіне өзгерістер енгізу жолдарын талқылады, бұл «Тігін өндірісі және киім моделдеу» мамандығы бойынша мамандар даярлау сапасын арттыруға бағытталған.