EuroSkills Herning-2025

Алматы қаласы «WorldSkills» аясында «Киім дизайны және технологиялар» құзыреттілігі бойынша Қазақстанның атынан алғаш рет халықаралық аренада өнеркөрсетті.

"EuroSkills Herning-2025" чемпионатында 9-13 қыркүйек аралығында Данияда өткен жарыста біздің елдің намысын Алматы автомобиль және сән индустриясы колледжінің "Тігін өндірісі және киімді үлгілеу" мамандығының биылғы түлегіМақсұтқызы Ұлжалғас пен Абылай хан атындағы жоғары колледждің (Қызылорда қаласы) түлегі Абдулаева Жансая (бұл құзыреттілік бойынша әр елден 2 қатысушы бір командада жұмыс істейді) қорғады.

Халықаралық деңгейдегі беделді чемпионаттарда қатысушыларға өте күрделі тапсырмалар беріліп, жоғары кәсіби талаптар қойылатынын атап өткен жөн, жарысқа 25 жасқа дейінгі қатысушылар қатысады және көбінесе Еуропа елдері 5-7 жылдық өндірістік жұмыс өтілі бар тәжірибелі жас мамандарды ұсынады.

«Киім дизайны және технологиялары» құзыреттілігі бойынша тапсырма 5 модульден тұрды: техникалық эскиз (орындау уақыты 1,5 сағат, ең жоғары мүмкін балл – 6,25), белдемшені үлгілеу (3,5 сағат, 37,5 балл), эскиздеу (3 сағат, 7 балл), бұйымдыдайындау (15 сағат, 38,75 балл), орындалған жұмысты таныстыру (регламент 10 минут, 10,5 балл).

Техникалық эскиздің бірінші модулі бойынша жеребе тастау әдісімен «болотный» стильдегі бір мудборд ұсынылды, соның негізінде біздің қатысушылар екі топтамаәзірлеп, техникалық эскизді қолмен салды.

Екінші модуль, белдемшені үлгілеу: ұсынылған үш «құпия белдемше» нұсқасынанжеребе тастау әдісімен төрт сайынан тұратын белдемше таңдалды, соның негізіндеүлгілері жасалды.

Үшінші модуль, эскиздеу: жеребе тастау арқылы ұсынылған үш нұсқадан әйелдеркүртесінің эскизі таңдалып, ол Adobe Illustrator бағдарламасында орындалды.

Төртінші модуль, бұйымды дайындау: Данияның әскери формасының негізіндетренч-пальто дайындау бойынша тапсырма берілді, ол конструкциясын құрастыру, үлгілерін дайындау, матасын пішу және бұйымды тігу арқылы сәтті орындалды.

Бесінші модуль, орындалған жұмысты таныстыру: дайындалған тренч-пальто көрсетіліп, оның ерекшеліктері мен құрастыру және тігу үшін қолданылған технологиялар ағылшын тілінде таныстырылды.

Бұл құзыреттілік бойынша модульдер өте күрделі болды, ал қазылар алқасы қатаң бағалады. Бұл Швейцариядан келген жеңімпаздардың жинаған ең жоғары балынан(мүмкін болатын 100-ден 78,56 балл) байқалады.

Өркениетті Еуропа елдерінен келген өз ісінің кәсіби шеберлерімен жарысу кешегіколледж түлектері Ұлжалғас пен Жансаяға қиынға соқты, дегенмен, олар барлықмодульдерді белгіленген уақытта және елеулі қателіксіз аяқтады.

Өкінішке орай, Қазақстандық қатысушыларға үздік жетістігі үшін берілетінмедальонға қол жеткізуге бірнеше ғана балл жетпей қалды.

Алматы автомобиль және сән индустриясы колледжінің түлегі МақсұтқызыҰлжалғас «EuroSkills Herning-2025» чемпионатында еліміздің атынан лайықты өнеркөрсетті. Оған алдағы уақытта үлкен табыстар мен жетістіктер тілейміз!